Pep Guardiola do të rikthehet edhe një herë aty ku shkroi faqen e tij më të ndritur si trajner, duke revolucionarizuar futbollin me tiki-takan e famshme.
Barcelona dhe Mançester Siti ndeshen sonte në “Camp Nou” për javën e tretë të ndeshjeve në grupe të Champions League-s. Një takim që vë përballë të shkuarën me të tashmen e Barcelonës: Guardiola-n me Luis Enrique-n.
Detyra më e vështirë është në anën e Guardiola-s, ekipi i ri i të cilit ka vuajtur vazhdimisht në Champions League, pa rezultate të qenësishme në këto vite të përpjekjeve për t’u shndërruar në një superfuqi futbolli.
Luis Enrique ka deklaruar në konferencën e shtypit të një dite më parë: “Pep është qartësisht i angazhuar, dhe ai ka patur një ndikim të madh mbi ekipin që nga parasezoni. Siti ka tashmë mekanizmat karakteristike të një ekipi të Guardiola-s.”
“Nuk ka ndeshje më të mirë se kjo për një mbështetës futbolli,” ka kujtuar Enrique.
“Mançester Siti ka nevojë për pikë, dhe ne jemi të shtrënguar [t’i kërkojmë ato],” është shprehur Guardiola në konferencën e tij të shtypit.
Veç këtij takimi, do të luhen dhe shtatë sfida të tjera këtë mbrëmje: Arsenal – Ludogorec, PSG – Bazel, Napoli – Beshiktash, Dinamo e Kievit – Benfika, Sëlltik – Borusia e Mynshegladbahut, Rostov – Atletiko e Madridit, Bajern i Mynihut – PSV Eindhoven. /tesheshi.com/
