Guardia di Financa ka prezantuar raportin e monitorimit nga ajri në lidhje me mbjelljen me kanabis të sipërfaqes bujqësore në vend. Sipas raportit të paraqitur nga komandanti i Guardia di Finanza, Giorgio Toschi, në 2017-n është ulur kultivimi në mënyrë drastike.
“Nga 745 mijë rrënjë në 2016-n, këtë vit gjetëm vetëm 4444 rrënjë”, tha Toschi, në një konferencë të madhe ku merrte pjesë ministri i Brendshëm italian, Marco Miniti dhe homolu i tij shqiptar, Fatmir Xhafa.
Sipas Guardia di Finanza vetëm 90 sipërfaqe janë mbjellë me hashash këtë vit, nga 2086 sipërfaqe të një viti më parë. Sipas raportit të GdF, sipërfaqja e kultivuar me kanabis për vitin 2017 ka qenë 1.9 hektarë, kundrejt 219 mijë hektarëve të një viti më parë.
“Avionët e Guardia di Finanza kanë eksploruar 40% sipërfaqe të territorit më shumë në krahasim me 2016 dhe kanë realizuar 58 fluturime më shumë në krahasim me 42 fluturime të një viti më parë. E thënë ndryshe sipërfaqja e kultivuar me kanabis për vitin 2017 ka qenë 1.9 ha, kundrejt 219 mijë ha të një viti më parë”, tha kreu i Guardia di Finanza.
Në brigjet italiane tha ai janë sekuestruar gjatë 2017-s, 33 ton kanabis, me një rritje prej 116% në krahasim më 2016-ën. “Italia ka dhënë ndihmën e saj në luftën kundër kanabisit në Shqipëri. Guardia di Financa ka realizuar mbi 129 orë fluturimi nga muaji maj e deri në tetor të këtij viti. Ky bashkëpunim nuk përfundon vetëm në territorin shqiptar, por vijon në detin e Italisë, në pjesën e poshtme të Adriatikut dhe pjesnë e sipërme të Jonit. Vetëm vitin e fundit, Guardia di Finanza ka sekuestruar përgjatë bregut, 33 ton lëndë narkotike, me një rritje 116% krahasuar me 2016, kur u sekuestruan 12 ton drogë”, u shpreh komandanti i Guardia di Finanza, Giorgio Toschi.
Në prezantimin e raportit të Guardia di Finanza për kultivimin e kanabisit, ka marrë pjesë kryeministri Edi Rama, ministri i Brendshëm italian, Marco Minniti dhe homologu shqiptar, Fatmir Xhafaj, ambasadorët Donald Lu e Romana Vlahutin si dhe zyrtarë të policive të dy vendeve.
Nga monitorimi i territorit nga avionët e policisë italiane, vetëm 1% i territorit të zbuluar në vitin 2016, rezulton të jetë kultivuar me kanabis në 2017.
/tesheshi.com/
