Kuvendi Kushtetues i Venezuelës, një organ të fuqishëm legjislativ, ia hoqi imunitetin parlamentar kreut të opozitës Juan Guaidou.
Sipas Reuters, një procedurë e tillë duket të jetë një hap drejt arrestimit të tij.
Kuvendi Kushtetues u formua nga vetë Maduro në vitin 2017 në një përpjekje për të uzurpuar pushtetin nga Asambleja Kombëtare e mbikqyrur nga opozita.
Guaido në shkurt shkoi në një turne në vendet e Amerikës Latine në një përpjekje për të fituar mbështetje për pozicionin në një luftë për pushtet me Maduron. Pavarësisht kërcënimit me arrestim, kjo nuk ndodhi.
Guaido u tha gazetarëve se Kuvendi Kushtetues nuk ishte në gjendje ta privonte ligjërisht nga imuniteti i tij. Opozita e konsideron këtë kuvend si të paligjshëm.
“Ju e dini se si regjimi po sillet – ky nuk është më vetëm persekutim, kjo është një inkuizicion”, tha Guaido.
Ndërkohë, një numër i madh i qytetarëve të Venezuelës kalopi barrikadat përgjatë kufirit me Kolumbinë, duke kaluar në territorin e këtij vendi fqinj. /tesheshi.com/
