Ka plasur sherri te Tirana. Futbollisti Erion Dushku ka grushtuar fizioterapistin e skuadrës për motive krejtësisht të panjohura deri më tash. Klubi bardheblu ka reaguar menjëherë duke pezulluar mbrojtësin.
Aktualisht Tirana po qëndron në Mavrovë të Maqedonisë, me ç’rast po bëjnë përgatitjet për kampionatin e ri që do filloj së shpejti, mirëpo kjo ngjarje ka tronditur kampin e kryeqytetasve.
Probleme për trajnerin Shkëlqim Muça ende pa filluar sezoni i ri. Nuk janë rivalët ata që i kanë shkaktuar telashe ekipit të tij, por vetë futbollistët. Një i tillë (Erion Dushku), ka grushtuar fizioterapistin e skaudrës me ç’rast është pezulluar menjëherë nga klubi i Tiranas.
Nëpërmjet një postimi në profilin zyrtar në “Facebook”, klubi i Tiranës ka njoftuar largimin e lojtarit nga grumbullimi dhe pezullim pa afat për thyerjen e disiplinës.
Njoftimi i plotë:
Erion Dushku largohet nga skuadra
“Erion Dushku eshte larguar nga Mavrova gjate dites se djeshme. Shkak per kete levizje eshte bere thyerja e disiplines dhe shkelja e rregullores se klubit. Kerkesen per te lene menjehere grumbullimin ja ka komunikuar trajneri Shkelqim Muca dje pasdite sapo ka nisur seanca stervitore. Mbrojtesi eshte larguar nga Maqedonia per tu rikthyer ne Tirane. Klubi ka vendosur ta pezulloje pa afat Erion Dushkun per thyerjen e disiplines. Ne nje moment te dyte do te kete nje tjeter vendim per kete ceshtje”. /tesheshi.com/
