Futbolli turk është tronditur nga grushti i një presidenti klubi në Ligën e parë, gjë që ka sjellë dhe reagimin e vetë Erdoganit.
Më saktë, presidenti i Ankaragucu, Faruk Koca, goditi me grusht arbitrin Halil Umut Meler pas fishkëllimës së fundit të ndeshjes kundër Rizesporl, e cila përfundoi në barazim 1-1.
Gjyqtari Meler ra në tokë nga goditja që mori.
🇹🇷 Faruk Koca, presidente del @Ankaragucu, ha agredido al árbitro tras finalizar el partido que enfrentaba a su equipo contra el #Rizespor, que ha conseguido empatar en el 90+7'. https://t.co/JUI8DjwwgZ
— Mercatosphera (@mercatosphera) December 11, 2023
Ministri turk i Drejtësisë Yilmaz Tunc tha se ka nisur një hetim për incidentin.
“Ka nisur një hetim kundër atyre që janë përgjegjës për sulmin ndaj gjyqtarit të ndeshjes Meler që ndodhi në fund të ndeshjes Ankaragucu – Caykur Rizespor”, njoftoi Tunc në rrjetet sociale.
Sulmin ndaj gjyqtarit Meler e dënoi edhe ministri turk i Rinisë dhe Sporteve, Osman Askin Bak.
Presidenti i Federatës Turke të Futbollit, Mehmet Buyukeksi, dënoi ashpër sulmin ndaj arbitrit dhe paralajmëroi dënime të ashpra për fajtorët.
“Kjo është një goditje e turpshme për futbollin turk. Të gjithë të përfshirë në këtë incident do të paguajnë çmimin,” tha Buyukeksi.
Pas këtij incidenti ka folur edhe presidenti turk, Recep Tayip Erdogan.
“E dënoj sulmin ndaj gjyqtarit të futbollit dhe nuk do të lejojmë kurrë që dhuna të ndërhyjë në sportet turke”, tha Erdogan.
Menjëherë pas këtyre ngjarjeve, Federata Turke e Futbollit thirri një mbledhje të jashtëzakonshme ku vendosi të pezullojë kampionatin për një kohë të pacaktuar. Po kështu, Shoqata e Gjyqtarëve në Turqi u bëri thirrje anëtarëve të saj që të ushtrojnë të drejtën e tyre për t’u tërhequr. /tesheshi.com/
