Raportuesi për Ballkanin Perëndimor në CDU, Peter Beyer ka deklaruar në përfundim të vizitës në
Tiranë se qëndrimi i Gjermanisë nuk ka ndryshim nga ajo që ka mbajtur SHBA për ish-kryeministrin Berisha.“Nuk ka asnjë dallim në qëndrimet tona. Do të ishte e vështirë që të bashkëpunonim me një person që është i shpallur ‘non grata’”, tha Beyer në Tiranë.
Deputeti i CDU-së tha se në qendër të vizitës së tij në Shqipëria ishte që të mësonte më shumë mbi gjendjen e krizës në PD.
“Kam pasur biseda për të identifikuar situatën. Nuk jam këtu për të mbajtur anë”, tha ai, duke shtuar:
“Për mua nuk janë personat shumë të rëndësishëm. Ne si CDU kemi interes të kemi një PD të fortë. PD është partia opozitare ka një përgjegjësi të madhe për të bërë opozitën në parlament. Kjo duhet të realizohet nga PD që ka përfaqësues të popullit. Më interesojnë pak figurat e veçantë. Më shumë më intereson forcimi i partisë. Ky është qëndrimi ynë si CDU/CSU”. /tesheshi.com/
