Në kushtet kur gruri po bëhet flori, kjo për shkak të Ukrainës në luftë si hambar bote, qeveria ka vendosur të mbështesë prodhimin e grurit në vend.
Ministrja Krifca ka bërë me dije se kush kultivon mbi 1 hektar grurë përfiton 300 mijë lekë subvencion.
“1.2 milardë lekë i shtohen buxhetit të skemës kombëtare të mbështetjes së bujqësisë, duke e çuar buxhetin në 4.9 mld lekë, më i madhi i vënë në dispozicion. Ka qenë një vit pothuajse i vështirë në përballimin e kostove, fermerët tanë kanë rezistuar.
Kemi patur një sezon të mbarë të prodhimit të grurit, hambarët janë mbushur lot. Kemi menduar të fusim një masë të posaçme, fermerët që prodhojnë mbi 1 hektar grurë, do marrin mbështetje 30 mijë lekë për hektar”, tha gruaja në krye të bujqësisë shqiptare, duke shtuar më pas se prodhimi i grurit këtë vit ka qenë në norma historike.
“Mund të raportoj që prodhimi i këtij viti i grurit në vend ka qenë në normat historike të tij duke arritur të prodhojmë në vend përafërisht 225 mijë tonë grurë, apo gjysmën e sasisë që konsumojmë”, theksoi Krifca. /tesheshi.com/
