I gjithë bulevardi “Aqif Pasha” në Elbasan pritet të përndizet nga flamujt kombëtarë, jo vetëm në rrugë ku tregëtarët sërish do të mundohen të fitojnë pak para duke shitur simbolet e kombëtares, por edhe në ballkone.
E kanë nisur në mbrëmje nismën e tyre tifozët kuqezi duke trokitur në çdo derë të apartamenteve përgjatë bulevardit me qëllim dhurimin e një flamuri.
Banorët mjaft të emocionuar kanë vendosur t`i shpalosin ngjyrat e kombëtares dhe simbolin tonë identitar qysh në orët e mbrëmjes.
Grupimi tifozët kuqezi do të rikthehet në mëngjes për të përmbushur misionin e tij që çdo ballkon përgjatë bulevardit dhe përreth stadiumit të ketë të paktën një flamur duke nderuar në këtë mënyrë kombëtaren dhe duke i pritur me ngjyrat nacionale kundërshtarët serbë. /tesheshi.com/
