Gruevski si Milosheviçi, mban të ashtuquajturat “Mitingjet e së vërtetës”
E gjetur në situatë të palakmueshme, VMRO-DPMNE mundohet të vërsulet në kundërsulm, ndaj ka planifikuar të mbajë një tubim masiv në sallën e sporteve “Boris Trajkovski” në Shkup.
Në këtë tubim, zyrtarët më të lartë partiak, mes së cilëve edhe kryeministri Nikola Gruevski, do të përçojnë mesazhe lidhur me situatën politike në vend.
Burime zyrtare nga VMRO-DPMNE bëjnë me dije se iniciativa vjen nga organet e ulëta partiake, të cilat kërkojnë përgjigje rreth situatës së krijuar.
Mësohet se tubime të njëjta do të mbahen anembanë vendit, për t’ju dhënë qytetarëve përgjigje të argumentuara për aferën e përgjimeve, në të cilën protagonist kryesorë janë vet zyrtarët e saj.
Mobilizimi është shumë i madh, ndërsa nuk mungon as presioni mbi anëtarët e VMRO-së, të cilët ankohen se u janë dërguar mesazhe ku porositen për pjesëmarrje të detyrueshme, ndërsa partia është përkujdesur që transporti të jetë falas./tesheshi.com/
