Nga Mensur Krasni
Fjalimi i fundvitit i kryeministrit maqedonas, Nikolla Gruevski, ka orfuar supriza. Fjalimi mund të konsiderohet dhe si nisje e fushatës elektorale për zgjedhjet e prillit.
Gruevski deklaroi se shqiptarët janë pjesë përbërëse e planprogramit të tij për vitin 2016. Ai në një video propaganduese për mbylljen e 2015-ës, ka promovuar platformën e VMRO-DPMNE-së ku mes tjerash ka folur edhe për rëndësinë e shqiptarëve në Maqedoni, gjegjësisht ka premtuar se do të përshkutohet maksimalisht që ta zbaton Marrëveshjen e Ohrit.
Por realisht, premtimi i tij për zbatim praktik të Marrëveshjes së Ohrit bie ndesh me qëndrimet e VMRO-DPMNE-së, e cila asnjëherë nuk mori pjesë në konferencat dhe përvjetoret të cilat organizohen me rastin e përvjetoreve të kësaj marrëveshjeje historike që i dha fund konfliktit të vitit 2001.
Gruevski tha se prioritet gjatë vitit 2016 do ta ketë bashkëjetesën mes shqiptarëve dhe maqedonasve, duke e cilësuar atë si faktor kyç që Maqedonia të përparojë dhe të antarësohet në strukturat europiane.
“Raportet mes bashkësive të ndryshme etnike dhe realizimi i Marrëveshjes kornizë të Ohrit poashtu do të jenë në listën e prioriteteve, pasi bashkëjetesa paraqet faktorë kyç për përparimin tonë. Na pret një vit ku shumë punë do të jenë më të qarta, ndërsa Maqedonia e ka doemos të del nga pengmarrja dhe të qëndrojë krenare dhe me dinjitet në rrugën drejtë progresit”, ka deklaruar Kryeminstri Gruevski duke shtuar se për ti arritur këto qëllime do të punoj me gjithë zemër.
“Do të jetë rëndë, nuk them se të gjitha problemet do ti zgjidhim, por garantojë se do të punoj më shumë, me gjithë zemër dhe më së miri se çdo kush, do të shkojmë përpara”, përfundoi Gruevski. /tesheshi.com/
