Lideri i VRMO-së, Nikolla Gruevski, ka komentuar sërish kërkesat e Platformës Shqiptare, duke i quajtur ato të palogjikshme. Sidomos dy gjuhësinë.
Në një intevistë për Tv NOVA, Gruevski u tregua u vendosur që të mos pranojë kushtet e palës shqiptare, madje dhe me çmimin e daljes në opozitë, për të luftuar pikërisht kundër tyre
“Ato janë kërkesa që nuk ndihmojnë as shqiptarët e as maqedonasit. Janë kërkesa që do të na zemërojnë e ndajnë njëri-me tjetrin. Ne dëshirojmë t’i ndihmojmë të gjithë, të kenë jetë më të mirë me punësime, por duke pranuar kërkesa të tilla jologjike. Si të kuptohen qytetarët kur jemi 65 me 25? Si të kuptohen mjek me mjek, polic me polic? Ne jemi njerëz që e mbajmë fjalën dhe gjëra jologjike nuk do të pranojmë. Përndryshe nuk kemi asgjë kundër shqiptarëve”, tha lideri i VMRO-së.
Më pas ai është treguar i gatshëm që të dalë në opozitë, nëse LSDM do pranojë Platformën Shqiptare për të ardhur në pushtet, por që në atë pozicion politik partia e tij do angazhohej fuqimisht kundër kërkesave në platformë. /tesheshi.com/
