Duke u afruar e diela, dita e fundit e afatit kushtetues për formimin e qeverisë së re në Maqedoni, VMRO, partia e ca ka mandatin por që mund t’ja dorëzojë atë LSDM-së të hënën nëse nuk e bën të mundur kabinetin e ri, po shfaqet tejet e nervozuar, Ajo druhet se partitë shqiptare mund t’i bëjnë llogaritë e tyre me Zaevin dhe atëherë lamtumirë pushtet.
Andaj, përmes një komunikate, VMRO u kujton shqiptarëve se kush i fitoi zgjedhjet duke u kërkua që mos bëjnë aleancë me LSDM-në.
Nga ana tjetër, Zaev, gjatë një takimi me ambasadorin shqiptar në Shkup, Fatos Reka, ëshët shfaqur i bindur se mandati do i kalojë atij të hënën.“Presim që më 29 janar Nikolla Gruevski ta kthejë mandatin dhe se LSDM-ja është partia që do ta formojë Qeverinë në Republikën e Maqedonisë”, ka thënë Zaev.
Por cilat janë skenarët më të mundshëm të zhvillmeve të pritshme në skenën e trazuar politike të Maqedonisë?
Për tesheshi.com, botuesi i Gazetës Lajm, analisti dhe publicisti i mirënjohur, Fejzi Hajdari, bën një prognozë të asaj ç’mund të ndodhë:
“Gruevski dhe Ahmeti do të përpiqen me çdo kusht të bëjnë qeverinë, qoftë edhe me sakrifikimin e stabiliteti të pjesërishëm të Maqedonisë, por numrat e qeputetëve të BDI-ë dhe VMRO-së, nuk ofrojnë ndonjë stabilitet qeverisës, prandaj ata kane filluar të mendojnë dhe luajnë variante tjera. Është presoni nga ndërkombëtarët, që më në fund shyqyr Zotit ka filluar, ai që do tua prish planet edhe më tepër. Mendoj se këta dy “vëllezër politikë”, tanimë kanë vetëm një agjendë, që nëpërmjet lojës së ping-pongut, të mbajnë në tension permanent sistuatën e përgjithshme në Maqedoni, ndërsa në fund të skandimit të afatit të paraparë ligjor për formimin e qeverisë nga VMRO-ja, bashkë ta deklarojnë të dështuar procein e përpjekjes për formimin e qeverisë së re. Në fakt, mendoj se se pikërisht kjo është strategjia…., pra që medemek të dështojnë “përpjekjet e VMRO-ë” për të formuar qeverinë. Më pastaj pjesën tjetër të lujës së këtyre “vëllezërve politikë”, mendoj se do ta zhvillojë presidenti Gjorgji Ivanov, i cili sipas të gjitha gjasave pritet të dorhiqet në mënyrë të parevokueshme, me qëllim që të hap krahun për mbajtjen e zgjedhjeve të jashtzakonshme. Mu për këtë mendoj se nuk do të vijë punë që presidenti Ivanov t’i japë mandatin Zaevit për të formuar qeverinë e re. Janë këto loja perfide dhe të lehtë-lexueshme të cilat tanimë po luhen nga Ahmeti dhe Gruevski, vetëm e vetëm për ta shpëtuar veten dhe jo për të gjetur ndonjë zgjidhje për krizën e thellë politik-ekonomike në Maqedoni”, ka deklaruar për portalin tesheshi.com Fejzi Hajdari. Mensur Krasniqi – /tesheshi.com/
13
