“Më 24 prill populli në Maqedoni do ta rikthejë pushtetin e marrë pjesërisht dhe nëpërmjet votimeve masive në zgjedhje do të largojë me shkelma funksionarët e mbjellë artificialisht dhe me forcë”. Kështu u shpreh lideri i VMRO-DPMNE-së, Nikolla Gruevski, në fjalimin e tij vjetor para konferencës së grave të VMRO-së.
Sipas tij, populli më 24 prill do të dërgojë disa porosi. Ai ka shkuar aq larg saqë ndërmjetësuesin belg Vanhohjte e quan VANHOJTOVCA, ndërsa prokuroren speciale Katica Janeva e fut në listën e atyre që do e ndihmojnë LSDM-në për të ardhur në pushtet.
“Pas këtij leksioni do të kalojë shumë kohë para se ndonjë politikan të tentojë që të vijë në pushtet me mashtrime të mëdha, me bashkëpunime me shërbimet e huaja, me bashkëpunime me kriminelë, Çaush, Vanhojtovca, Katica dhe me shitës të mjegullave të cilët kërkojnë të raketojnë biznesmenët në qytetin e tyre”, ka thënë ish kryeministri Gruevski.
Ai tha se, nuk mund që opozita të ketë në duart e saja dy institucionet, të cilët në bazë të ligjit dhe kushtetutës, janë të vetmit që organizojnë zgjedhje në shtet, MPB dhe KSHZ, dhe “ta bëjë popullin të çmendur se nuk mund të organizohen zgjedhje të drejta dhe demokratike”.
Menjëherë pas fjalimit të Gruevskit, LSDM-ja opozitare ka reaguar me një kumtesë, ku sipas tyre, Gruevski me fjalorin e tij brutal dëshmoi që është kriminel dhe se nuk mund të bëhet asnjëherë më kryeministër.
“Përdhunim”, “t’i përzësh me shqelma”, “budalla”, ky është fjalori i Nikolla Gruevskit, i cili frikësohet nga dënimi i qytetarëve dhe përballja me përgjegjësinë për krimin e përgjithshëm në 10 vitet e shkuara. Nikolla Gruevski vet e pranoi se: nuk mundet kriminel dhe mashtrues i dëshmuar të bëhet kryeministër. Prandaj Gruevski nuk është kryeministër dhe asnjëherë nuk do të jetë”, thuhet në kumtesën e LSDM-së.
Në këtë kumtesë, sipas LSDM-së, gjithashtu thuhet se sa është frika e Gruevskit nga përballja dhe përgjegjësia e krimit, provizionet dhe bizneset e dyshimta për pasurimin personal të familjes, dëshmon rikthimi i tij për trillimin e shërbimeve të huaja sekrete./tesheshi.com/
