Ish-kryeministri maqedonas Nikola Gruevski, i cili në nëntor të vitit të kaluar morri azil politik në Hungari pas një arratie në Shqipëri për t’ju shmangur burgut, njoftoi në profilin e tij në Facebook se do të jetë në Panairin e Shkupit, jo ai por një libër i tij.
Fjala është për një monografi, e cila bazohet në disertacionin e doktoraturës dhe që për ta përgatitur për botim kërkoi shtyrjen e ekzekutimit të dënimit me burg.
Në parathënien e librit vihet theksi te “periudha e zhvillimeve serioze politike në Maqedoni”, në një kohë kur ai është tashmë gjashtë muaj në Hungari si një azilantit politik, sepse siç shkruan, po persekutohet në vendin e tij.
“Publikimi i librit nuk ka shkuar sipas planit që kam pasur në vitin 2018. Ishte menduar që do të dalë në janar të këtij viti dhe kjo është arsyeja pse kam kërkuar shtyrjen e burgimit për dy muaj”, shkruan Gruevski.
Ai njofton se libri do të trajtojë të gjitha rrethanat të cilat, thotë ai, çuan në nevojën për të kërkuar azil politik jashtë vendit, si dhe ngjarjet historike në Maqedoni e cila ndikuan në shtyrjen e publikimit të këtij libri.
“I falenderoj institucionet e Hungarisë që, pas shqyrtimit të hollësishëm, si institucion i pavarur i një shteti sovran, vlerësuan se ka arsye të mjaftueshme për të dhënë mbrojtje përmes ofrimit të azilit politik”, shkruan gjithashtu Gruevski në pjesën hyrëse të librit.
Ky libër i Gruevskit, kështu siç përshkruhet prej tij, ngjan me “Kurban”-in e Ramës, një manifest politik shkruar pas humbjes së Bashkisë dhe parapargatitjes për të marrë pushtetin. Libri i Gruevskit titullohet “Eksperienca për të Ardhmen”. /tesheshi.com/
