Takimi i Edi Ramës me partitë shqiptare në Maqedoni ka ndezur politikën e Shkupit.
Dy ditë pas takimit të kreut të qeverisë shqiptare me partitë kryesore, partitë e djathta maqedonase kanë kërkuar që të reagojë qeveria e këtij vendi.
TMRO, një parti aleate e Gruevskit ka kërkuar që edhe maqedonasit të bëhen bashkë, por jo vetëm kaq.
Kjo parti i bën thirrje ministrit të punëve të Jashtme të Maqedonisë që të reagojë me notë protestuese ndaj asaj që e quajnë “përzierje e Shqipërisë në punët e brendshme të Maqedonisë, që sipas tyre bën ndarje politike në vend.
“Prokuroria Publike dhe sigurimi shtetëror, si organe legjitime duhet të reagojnë dhe ta dënojnë këtë konsultim joligjor të kryetarëve të partive politike në Maqedoni me shtete të huaja”, deklaroi kryetari i TMRO, Vanço Shehtanski”.
Ai është një aleat i afërt i Gruevskit që e përdor për lëvizje kontraversale. /tesheshi.com/
