“LSDM-ja dhe BDI-ja dëshirojnë të bëjnë defaktorizim të popullit maqedonas. Ajo që ndodh tani tregon se LSDM-ja është e vendosur që ta ridefinojë Maqedoninë, por duhet të potencoj se VMRO-DPMNE-ja do të qëndrojë fuqishëm si mbrojtëse e interesave shtetërore dhe kombëtare”, kështu sot deklaroi kryetari i VMRO-së, Nikolla Gruevski duke vlerësuar situatën e bisedimeve për formimin e qeverisë së re ndërmjet LSDM-së dhe BDI-së.
“I tregojmë të gjithëve që dëshirojnë të luajnë me interesat kombëtare dhe shtetërore, se në këtë shtet ka të tjerë që mendojnë për ata interesa dhe që janë të gatshëm të luftojnë për interesat kombëtare dhe shtetërore”, u shpreh Gruevski.
Ai gjithashtu deklaroi se këto situata që po ndodhin tani i ka paralajmëruar se do të vijnë, duke pasur parasysh politikën antikombëtare të liderit të LSDM-së, Zoran Zaev.
Ndërkohë, kujtojmë që po zhvillohen takime intensive ndërmjet LSDM-së dhe BDI-së për formimin e qeverisë së re. Në këto takime si pjesëmarrës është edhe lideri i Aleancës për Shqiptarët, Ziadin Sela, pa deputetët e të cilit nuk mund të formohet qeveria. /tesheshi.com/
