Nikolla Gruevski synon të rrisë përfaqësimin e emigrantëve maqedonas në politikën e vendit. Në kuadër të reformës zgjedhore, VMRO DPMNE-ja propozon që në Kuvend të ketë 20 deputetë nga diaspora, në vend të 3 deputetëve të deritanishëm. Kryeministri Nikolla Gruevski thotë se do të kërkoj edhe ndryshim të mënyrës në të cilën shtetasit e Maqedonisë të cilët janë jashtë vendit, të zgjedhin përfaqësuesit në Parlament.
“Në vend të 3 njësive të tanishme zgjedhore me nga një deputet, të ketë një njësi zgjedhore, e në të të ketë 20 deputetë. Pastaj, sipas votave që partitë do të fitojnë, pra varësisht se si do të votojë diaspora në mbarë botën, ashtu të ndahen edhe votat e deputetëve të asaj njësie speciale zgjedhore”, tha Gruevski. /tesheshi.com/
