Për të disatën herë me radhë kryetari i VMRO-DPMNE-së, Nikolla Gruevski po insiston që zgjedhjet e parakohëshme parlamentare të mbahen me datë 24 prill, ashtu siç është paraparë edhe në marrëveshjen Përzhinos.
Këtë qëndrim Gruevski e përsëriti edhe sot në një takim me ministrin e punëve të jashtme të Mbretërisë së Holandës, Bert Kunders.
Në këtë takim u shkëmbyen qëndrime dhe mendime për krizën aktuale politike, marrëdhëniet midis dy shteteve dhe proceseve integruese të rëndësishme të Republikës së Maqedonisë.
Në fund Gruevski shprehu bindjen se për VMRO-DPMNE-në përveç datës së zgjedhjeve, esencialisht është me rëndësi që ato zgjedhje të janë të lira dhe demokratike ku do të respektohet vullneti i shumicës së qytetarëve.
Për dallim nga VMRO dhe BDI, të gjitha partitë tjera opozitare janë për shtyrje të datës së zgjedhjeve, meqë sipas tyre pa rregullimin e cështjes së mediave dhe pastrimin e listave zgjedhore nuk mund të presim zgjedhje të drejta dhe demokratike. /tesheshi.com/
