“Zgjedhje doemos të ketë, dhe zgjedhje do të ketë. Ky është vendi ynë dhe vendi ynë do të mbetet. Populli do të vendosë dhe populli patjetër të vendosë. S’ka tjetër dhe nuk ka ikje”. Ishte ky deklarimi i kryministrit maqedonas, Nikolla Gruevski, dje në festën e Shën Klementit.
Por ai paralajmëroi rivalët politikë që mos u shmangen atyre, nëse e kanë në plan këtë gjë.
“Secili që me sjelljen e vet do t’ia pamundësojë popullit që të vendosë se kujt do t’i japë besimin, i cili do të tentojë t’ia marrë të drejtën kulmore popullit që të vendosë; pa dallim, nëse këtë do ta bëjë me ikje nga zgjedhjet, që tashmë është variant i sigurt dhe evident dhe strategji e konkurrentëve tanë politik, ose që në çfarëdo mënyre tjetër do të përpiqet që të mos ketë zgjedhje, bën vepër joparimore ose joetike që është në nivel të nënçmimit të popullit”, tha Gruevksi. /tesheshi.com/
