Nën moton “Maqedonia e fuqishme!” para Kuvendit të Republikës së Maqedonisë sonte u mbajtë tubimi popullor i partisë në pushet VMRO-DPMNE dhe partive të koalicionit “Për një Maqedoni më të mirë”.
Në tubim morën pjesë një numër i madh i qytetarëve nga e mbarë Maqedonia.
Tubimi popullor filloi me një minutë heshtje për policët të cilët e humbën jetën në aksionin në Kumanovë.
Ndërkaq, pas fjalimeve të shumta të përfaqësuesve të mazhorancës, fjalën e mori kryeministri Nikolla Gruevski I cili tha se, Maqedonia nuk dorëzohet dhe populli është përgjigje për të gjitha skenarët kundër këtij shteti.
“Lideri opozitës Zoran Zaev mendoi se do të na thyejnë, me materiale të krijuara dhe të montuara si dhe me banda terroriste, menduan se ne do të dorëzohemi, por sonte ata e morrën përgjigjen, Maqedonia nuk shitet, Maqedonia është e fortë, e vendosur” tha Gruevski, duke shtuar se “nuk ka tërheqje, nuk ka përkulje, dhe nuk ka leksione”, theksoi ai.
Përfaqësuesit tjerë të kësaj partie thanë se qeveria do të luftojë për një Maqedoni të zhvilluar ekonomikisht, stabile dhe të fuqishme dhe nuk do të lejojë për shkak të asnjë interesi partiak ose personal shteti të futet në drejtim, i cili është në dëm të çdo qytetari të Maqedonisë.
