Barbara Cuff ka telefonuar policinë sepse dera e shtëpisë nuk i hapej dhe kondicioneri nuk i punonte. Operatori i policisë ia kishte vënë në dukje gruas se kjo nuk ishte një urgjencë, por ajo ka telefonuar edhe tre herë të tjera, e duke qenë se dukej sikur ishte nën efektin e alkoolit apo ndonjë droge, në fund u dërgua një patrullë në shtëpinë e saj.
Patrulla e policisë e zgjidhi problemin: në fakt njëri nga oficerët e policisë zhvendosi pak tapetin që pengonte derën dhe futi kondicionerin në prizë, por edhe e qortuan gruan për përdorim të papërshtatshëm të linjës së urgjencës.
Vetëm se gruaja me sa duket nuk e ka kuptuar këtë, pasi vetëm pak minuta më pas ajo ka marrë edhe njëherë në telefon policinë, kësaj here për t’i falënderuar për ndërhyrjen. Por për fatin e saj të keq, mirënjohja e saj nuk u prit mirë nga policia, e cila dërgoi oficerët për ta arrestuar për abuzim me shërbimin e urgjencës. /tesheshi.com/
