Libby Huffer, 45 vjeçarja nga Fort Wayne në Indiana vuan nga sëmundja e neurofibromatozës, që nga mosha 5 vjeçare.
Kjo sëmundje e rrallë e lëkurës shkakton tumore jo kanceroze dhe për shkak të kësaj gjendjeje, ajo tashmë ka bërë 10 operacione.
Libby kishte një jetë normale, por kur hyri në adoleshencë, brenda një kohe shumë të shkurtër filluan t’i shfaqen qindra lytha. Kjo ishte arsyeja pse ajo u keqtrajtua nga bashkëmoshatarët ,por edhe nga të rriturit, të cilët mendonin se sëmundja e saj ishte ngjitëse.
Pastaj, në vitin 1993, ajo mbeti shtatzënë dhe për shkak të hormoneve gjendja e saj e lëkurës u përkeqësua.
Ajo jetoi në dhimbje kronike dhe kishte 6,000 lytha në trup.
Pavarësisht nga operacionet, ato ktheheshin në vazhdimësi dhe për këtë arsye ndjente dhembje nga koka deri te këmbët.
Kjo gjendje është transmetuar gjenetikisht në familjen e saj dhe ajo thotë se nëna dhe gjyshja gjithashtu e kishin, bashkë me 4,000 njerëz të tjerë në mbarë botën të cilët vuajnë nga i njëjti problem.
“Gjithë jetën kam veshur rroba me mëngë dhe pantallona të gjata. Njerëzit më thonë fjalë nënçmuese, askush nuk do të më punësojë, edhe nëse më punësojnë unë nuk mund të punoj për shkak të dhembjeve. Jeta ime emocionale, siç mund të supozoni nuk ekziston”, thotë ajo.
E gjithë bota i pa fotografitë e saj dhe Libby po grumbullonte paratë për operacionin që nga viti 2016. Më në fund, ajo mblodhi mjaft para dhe iu nënshtrua procedurës së operacionit.
Ajo tani po i tregon botës se si duket, natyrisht, shumë e kënaqur me rezultatet.
“Pas shumë dekadash, më në fund mund të dal në rrugë. Nuk ka më nënçmim me fjalë. Jam më e lumtur se kurrë”, thotë Libby./tesheshi.com/
