Elisabet Sauer, 68 vjeçe, një pensioniste nga Austria, shkoi në Hurghada me burrin e saj më 2 qershor dhe vetëm një ditë para se të kthehej në shtëpi, më 2 korrik, u vra nga një peshkaqen.
Konkretisht, ajo ka qenë në cekëtinë kur i ka thënë partnerit po futet të lahet dhe pak minuta më vonë ka ndodhur sulmi fatal.
Skena shqetësuese u filmuar nga dëshmitarët okularë. E plagosura rëndë, së cilës peshkaqeni i ka shkëputi njërin krah dhe njërën këmbë, u dërgua menjëherë në spital.
Mirëpo, me gjithë përpjekjet e stafit mjekësor, ajo nuk mbijetoi. Gjithsesi, besohet se ka ndërruar jetë nga “shoku”, pra nga një atak në zemër, si dhe nga humbja masive e gjakut.
Partia lokale e Gjelbër në Kramzach, Tirol, Austri. njoftoi në Facebook se Elisabet ishte një këshilltare lokale nga 1998 deri në 2004.
“Ne vajtojmë vdekjen e Elisabetës sonë, e cila vdiq në një incident tragjik. Ngushëllimet tona më të thella për familjen! Ajo do të mbahet mend gjithmonë për ngrohtësinë dhe dhembshurinë e saj,” thanë ata.
Kujtojmë se pasi pensionistja austriake Elisabet vdiq nga një sulm i tmerrshëm i peshkaqenit në një resort egjiptian. Portali austriak Haute raportoi se në të njëjtën ditë ndodhi një tjetër sulm në afërsi të Hurghada ku një tjetër grua humbi jetën. Lajmi për vdekjen e gruas së dytë u konfirmua më pas nga Ministria egjiptiane e Mbrojtjes së Mjedisit.
Viktima e dytë, sipas informacioneve fillestare, ishte me kombësi rumune dhe ishte “në fund të të dyzetave”.
“Gratë u sulmuan duke notuar”, thuhet në postimin e Ministrisë në Facebook, sipas Arab Neës. /tesheshi.com/
