Pas ambasadorit çek një ditë më parë, po nga Korça ka folur për krizën dhe homologia e tij franceze, Christine Vasac.
Për gruan që përfaqëson Parisin në Tiranë, kriza është vërtet e rëndë, por jo se Shqipëria po digjet. “Shqipëria nuk është duke u djegur”, tha ambasadorja franceze, ku, duke komentuar qëndrimin e politikës së Macronit mbi negociatat, ajo tha se “për politikën shqiptare asnjëherë nuk themi ‘asnjëherë’.
“Nuk mund ta fsheh, të gjithë e dimë që situata është e tillë jemi në një krizë politike, por nuk kam asnjë dyshim që në të gjitha anët dhe nivelet ka njerëz te arsyeshëm që janë duke kërkuar një zgjidhje.
Ju e dini mirë që nuk është një diplomat i huaj që t’i japë një zgjidhje kësaj situate, por njerëzit e këtij vendi meritojnë një zgjidhje të arsyeshme.
Edhe njëherë nuk më takon mua të prononcohem me këtë temë. Ashtu siç mund ta dini, para tre ditësh ka pasur një telefonatë midis presidentit Macron me zotin Rama. Kjo është diçka e mirë, pozitive. Unë nuk mund të them diçka me detaje, sepse nuk isha gjatë kësaj bisedë, por e vlerësoj”, tha diplomatja e Parisit në Tiranë, duke folur nga Korça. /tesheshi.com/
