Elma Elfiç Zukorliç, bashkëshorte e myftiut të ndjerë Muamer Zukorliç, ka reaguar sërish në Instagram pasi Usama Zukorliç, djali i tij nga martesa e parë, bëri pretendime tronditëse për vdekjen e babait të tij gjatë fundjavës.
Kujtojmë, Usama Zukorlic tha se dy laboratorë të pavarur në botë kanë konfirmuar se ekziston një probabilitet i lartë që Muamer Zukorliç të jetë helmuar.
Në postimin e ri, ajo njofton se zharrosje e të ndjerit, për të cilën ajo këmbënguli që në fillim, do të ndodhë:
“Dua të falënderoj të gjitha mediat në vend dhe rajon që ishin me mua dhe fëmijët e mi këto ditë dhe na lejuan të dëgjojmë zërin tonë pas informacionit se ekziston dyshimi se babai i fëmijëve të mi, bashkëshorti im, akademiku Muamer Zukorliç vdiq si pasojë e helmimit.
Falenderoj edhe mediat për mirëkuptimin që nuk mund të bëj deklarata këto ditë, pasi
prioriteti im aktual është shëndeti i fëmijëve të mi të mitur që pësuan trauma ditët e mëparshme, veçanërisht djalit të mitur Amir që ishte në konferencë për shtyp, duke mësuar se babai i tyre mund të ketë qenë i helmuar.
Më vjen mirë që organet përkatëse shtetërore të Republikës së Serbisë kanë marrë të gjitha masat e nevojshme për ta vënë sa më parë të vërtetën në dispozicion si për ne, ashtu edhe për opinionin, i cili është shumë i tronditur këto ditë.
E gjithë procedura e zhvarrosjes dhe e autopsisë në emrin tim dhe të fëmijëve të mi do të monitorohet nga avokatët e kontaktuar”, ka shkruar Elma Elfiç Zukorliç, duke publikuar fotografi familjare.
Kujojmë se Muamer Zukorliç ndërroi jetë krejt papritur, duke qenë në një formë vitale jetësore, pa asnjë sëmundje, dhe me jetë tejet dinamike, si shoqërore(fetare po ashtu) e si politike.
Në Serbi, ai qe personaliteti më i shquar musliman. /tesheshi.com/
