Gruaja e presidentit sirian Asma al-Asad është shëruar plotësisht nga kanceri i gjirit, dhe këtë ia konfirmoi ajo vetë televizionit shtetëror.
Që kur Siria u zhyt në luftë tetë vjet më parë, 43-vjeçarja ish-bankiere investimesh ka marrë një rol publik për të takuar familjet ë ushtarëve të vrarë, por gjithashtu është bërë një figurë e urrejtjes për opozitën.
Aktivistët dhe kryengritësit akuzojnë Asma al-Asad-in, ekonomisten e lindur në Londër, se ka qenë bashkëpunëtore në mizoritë e burrit të saj. Armiqtë e burrit të saj e kanë quajtur atë “zonjën e vdekjes” ndërsa mbështetësit e lavdërojnë atë si “jasemini i Damaskut”. Në një intervistë të rrallë, Asma al Asad mbrojti Presidentin Asad dhe tha se kishte refuzuar ofertat sekrete për të lënë vendin.
Lufta ka vrarë qindra mijëra njerëz, zhvendosi të paktën 11 milion dhe krijoi një nga krizat më të këqija të refugjatëve në botë. Një vit më parë, presidenca Siriane publikoi një foto të Asma al-Asad duke buzëqeshur dhe ulur pranë burrit të saj në një dhomë spitalore. Ajo tha që ajo kishte filluar trajtimin për “një tumor malinj” që u zbulua herët.
“Udhëtimi im ka mbaruar, me gjithë dhimbjen dhe lodhjen, të metat por edhe anën pozitive. Lavdi Zotit, ka mbaruar. E kam mposhtur plotësisht kancerin, “tha ajo në intervistë. Ajo tha se kishte marrë trajtim kimioterapie në një spital ushtarak Sirian. Me ndihmë nga Rusia dhe Irani, Asad tani ka rikthyer pjesën më të madhe të Sirisë. Vitet e fundit, ushtria e tij ka shtypur fortesat e grupeve kryengritëse, disa prej të cilave kishin marrë mbështetje turke, arabe ose amerikane. /tesheshi.com/
