Një grua në Argjentinë gati sa nuk u shtyp nga treni, pasi ra mbi shina i shtyrë aksidentakisht nga një burrë, i cili u alivanos sakaq.
Incidenti ndodhi në Buenos Aires të martën, më pak se gjysmë minutë para se treni të mbërrinte në stacionin Metro Pueyrredon.
Videoja tregon momentin kur një burrë ligështohet në një stacion dhe godet aksidentalisht një grua që bie mbi shinat e metros.
Gruaja nuk reagonte ndërsa treni afrohej, por pasagjerët që prisnin në stacion mundësuan që treni të frenonte në kohë.
Gruas shpejt iu rikthye vetëdija dhe iu dha ndihma e parë, e po ashtu edhe burrit që e goditi pa dashjen e tij. /tesheshi.com/
