Ambasadorja e Kosovës në SHBA, Vlora Çitaku ka marrë një sërë kërcënimesh nga disa serbë përmes faqes së Facebookut. Këtë e ka bërë të ditur vet Çitaku, me ç’rast thotë se nuk frikësohet aspak prej tyre.
“Mesazhet e urrejtjes nga fqinjët tanë të veriut. Sigurisht, unë nuk po i publikoj sepse kam frikë, por po i publikoj sepse janë qesharake. Shikoni disa mos tra, shijoje fundjavën”, shkruan Çitaku në Facebook.n
Pas kësaj Çitaku ka marrë përkrahje të shumta nga shokët e saj në Facebook, por bien në sy dy komente.
Drejtoresha e kompanisë mediale “Koha”, Flaka Surroi shkruan: “Tipike për njerëz të frustruar me trurin e programuar në shekullin XV”.
Kurse ish-ambasadori Lulzim Peci shkruan: “Këta janë produkt i diskursit politik të politikanëve të tyre. Shumë mirë që i publikove”.
Kujtojmë se Çitaku qe një kohë të gjatë përfaqëson Kosovën në Këshillin e Sigurimit të OKB-së, ku në çdo seancë përplaset me ministrin e Jashtëm serb, Ivica Daçiç. /tesheshi.com/
