Pas aksidentit tragjik të ndodhur më 26 nëntor në Lungomaren e Vlorës, ku një djalë humbi jetën dhe një tjetër u plagos rëndë, Gjykata e Vlorës ka dhënë masën e sigurisë për dy inxhinierët e kompanisë që kryente punimet në këtë rrugë.
Në seancën e zhvilluar paraditen e kësaj të enjteje gjykata ka lënë në burg Ilirian Tahmazin, përgjegjës i sigurimit teknik, ndërsa ka dhënë masën “arrest shtëpie” për inxhinierin Tomorr Ceno.
Në pranga u vu dje shefi i hetimit të ngjarjes, Mynyr Ismailaj, nën akuzën për presion ndaj të plagosurit.
Duket sikur kjo gropë e hapur për të mirën e kësaj rruge dhe e lënë shkretë pa sinjalistikën e nevojshme po merr pas drejtuesit e papërgjegjshëm të saj, duke u futur në gropën e ligjit./tesheshi.com/
