Qindra të burgosur palestinezë në burgjet izraelite kanë nisur ditën e sotme një grevë urie. Përmes kësaj greve, ata kërkojnë të drejtat e tyre bazë, si dhe duan të sjellin në vëmendje kushtet e vështira brenda këtyre burgjeve.
Lëvizja ekstreme ka nisur pas një thirrjeje të Mervan Bergutit, udhëheqësit të burgosur të Fatahut. Rreth 1.500 të burgosur politikë palestinezë raportohet të marrin pjesë në grevën e urisë.
Mervan Berguti është i dënuar me burgim të përjetshëm për rolin në intifadën e dytë palestineze, e është një figurë shumë popullore.
Kjo grevë urie përkon me Ditën e të Burgosurve Palestinezë, që përkujtohet për çdo vit më 17 prill.
“Të burgosurit e shohin grevën e urisë si të vetmen derë ku mund të trokasin për të siguruar të drejtat e tyre,” i ka deklaruar Al Jazeera-s një zëdhënës i Qendrës për Studime të të Burgosurve Palestinezë.
Në burgjet izraelite mbahen aktualisht 6.500 të burgosur politikë palestinezë. /tesheshi.com/
