Një grevë e futbollistëve ka shtyrë nisjen e sezonit futbollistik në Argjentinë në të dy kategoritë e para, bën me dije Associated Press.
Dy takime të mbrëmjes së të premtes u pezulluan, pasojë e grevës të nxitur nga pagat e papaguara për futbollistët.
Qeveria argjentinase vendosi të enjten t’u paguajë klubeve 22.7 milionë dollarë si kompensim për ndërprerjen e një kontrate televizive, por sekretari i përgjithshëm i Unionit të Futbollistëve tha se shuma nuk mjaftonte për t’u paguar lojtarëve rrogat e prapambetura.
Unioni pretendon se një pjesë e lojtarëve nuk janë paguar prej muajsh ngase shteti nuk i ka rishpërndarë të ardhurat nga transmetimet.
Sipas AP-së, nuk ka shenja se ndeshjet e fundjavës do të luhen.
Nisja e futbollit në kategorinë kryesore të Argjentinës është shtyrë në mënyrë të përsëritur për shkak të problemeve financiare.
“Nuk ka futboll,” deklaroi Sergio Marchi, figura kryesore e unionit të futbollistëve, në një konferencë shtypi. /tesheshi.com/
