Tre prej ushtarakëve turq që morën arratinë pas përpjekjes së dështuar për grusht shteti më 15 korrik dhe kërkuan strehim në Greqi kanë mësuar sot se kërkesa e tyre për azil është refuzuar.
Komisioni grek për azilin politik e ka refuzuar sot kërkesën e tre prej ushtarakëve turq.
Azili për njërin prej tyre është refuzuar për shkak se ka prova të forta për përfshirje në përpjekjen për grusht shteti. Dy nga ushtarakët mësohet të mos kenë pranuar të bashkëpunojnë me autoritetet greke.
Fati i pesë ushtarakëve të tjerë pritet të mësohet së shpejti. Sipas një zyrtari grek, të tërë ushtarakët kanë të drejtë ta apelojnë vendimin në një tjetër komision, në një shkallë më të lartë, apo në gjykatat greke.
Ankaraja ka kërkuar ekstradimin e tyre të menjëhershëm, duke garantuar se ndaj tyre do të ketë një gjykim të paanshëm.
Tetë ushtarakët turq do të largoheshin drejt Greqisë pak orë pas përpjekjes së dështuar për grusht shteti. Të mbërritur në Greqi me një helikopter ushtarak të rrëmbyer, ata kërkuan azil me pretendimin se u kërcënohej jeta në vendin e tyre. /tesheshi.com/
