Një zhvillim i fundit mund të tensionojë raportet delikate Turqi-Greqi. Gjykata e Lartë greke vendosi që të mos esktradojë 8 ushtarakët e lartë turq të cilët u arratisën në Greqi pas grushtit të dështuar të shtetit korrikun e kaluar.
Kryetari i Gjykatës së Lartë greke, Giorgos Sakkas tha se ekstradimi i tyre është refuzuar për shkak se nuk u garantohet që në Turqi do të përballen me një proces gjyqësor të lirë dhe të drejtë.
Reagimi i Ankarasë ka qenë tejet i ashpër, ku nga Ministria e Jashtme turke është thënë se me këtë vendim Greqia vihet pëkrah atyre që realizuan grushtin e shtetit.
Ata janë tre majorë, tre kapitenë dhe dy rreshterë, të cilët në gjyq përdorën pikërisht kartën e rrezikut që u kanosej nga esktradimi.
Ky zhvillim mund ta acarojë më tej raportet mes dy vendeve. Javë më parë, dy vendet tentuan të bëjnë demostrim force, pas deklaratave të presidentit Erdogan për të riparë Traktatin e Lozanës, pra kufijtë aktuale mes dy vendeve. /tesheshi.com/
