Kuvendi i Greqisë ka miratuar buxhetin e shpenzimeve për vitin e ardhshëm. Ajo që ra në sy është fakti se buxheti u miratua me një diferencë të vogël votash dhe mes replikash.
Nga 300 deputetë, 152 prej tyre ishin pro, të cilët përfaqësonin koalicionin SYRIZA dhe ANEL, ndërsa 146 deputetë të tjerë të kuvendit nuk ishin dakord.
Po ashtu, gjatë kësaj kohe ky buxhet është kundërshtuar edhe nga shumë qytetarë, të cilët disa ditë më parë zhvilluan protesta në Athinë. Kjo pasi ky vit parashikohet të jetë i vështirë për grekët, sepse buxheti përfshinë rritje të tatimeve dhe shumë shkurtime në kuadër të masave shtrënguese të kursimit.
Megjithatë, kryeministri Alexis Tsipras dekalroi se 2017-ta do të jetë një vit historik për daljen e vendit nga kriza dhe ky projektbuxhet është i pari i optimizmit, i rritjes dhe i rimëkëmbjes së ekonomisë greke.
Spas ekspertëve, pritet një rritje prej 2.7 përqind të ekonomisë greke e cila prej vitesh është në reçesion, si dhe planifikohet shkurtim prej gjithsej 5.7 miliardë eurosh në shpenzimet publike dhe paga./tesheshi.com/
