Athina pagoi këstin e borxhit prej 3.4 miliardë eurosh që i detyrohej Bankës Qendrore Europiane, menjëherë pasi mori këstin e parë të kredisë prej 23 miliardë eurosh nga paketa e tretë e ndihmës financiare.
Pagesa e Athinës ndodhi menjëherë pas marrjes së parave, në mënyrë që të shmangej falimentimi i vendit për shkak të pamundësisë së pagimit të borxheve.
Programi i tretë për shpëtimin e Greqisë është në vlerë prej 86 miliardë eurosh dhe kësti i parë u lëvrua pasi eurozona mori mbështetjen nga parlamentet e vendeve anëtare. /tesheshi.com/
