Në një takim me Athinë me homologun serb, ministri i Jashtëm grek Nikos Dendias tha se “Greqia është kundër forcave centrifugale të cilat mund të dëshirojnë të rihartojnë rajonin tonë“. Ishte kjo një fjali që përcolli mesazhin e një pakti ushtarak mes dy vendeve.
“Ne diskutuam dhe jam veçanërisht i lumtur për këtë bashkëpunimin ushtarak mes nesh”, tha Nikos Dendias në deklaratat e përbashkëta me homologun e tij serb pas takimit Nikola Selakoviç, i cili zgjati më shumë se dy orë.
Ai shtoi se do të informohet nga ministri i Mbrojtjes Kombëtare Nikos Panagiotopoulos për rezultatin e bisedës dhe shprehu besimin se ministritë e Mbrojtjes dhe Forcat e Armatosura të Greqisë dhe Serbisë do të bashkëpunojnë shumë ngushtë në të ardhmen e afërt.
Pasi vuri në dukje se bashkëpunimi i dy vendeve në sektorin ushtarak ka mbetur prapa bashkëpunimit në sektorët e tjerë, ai shprehu bindjen se “mund të bëjmë më mirë në këtë sektor”.
Dendias vuri në dukje se Greqia dhe Serbia ishin “gjithmonë në të njëjtën anë të argumentit historik“. /tesheshi.com/
