Lajme të mira, si për të moshuarit e minoritetit në vendin tonë, por më së shumti për bisneset shqiptare në jug, të cilat, prej pensioneve të minoritetit, siguronin fuqi të madhe blerëse.
Qeveria greke ka bërë me dije se do të nisë dhënia e pensioneve të Entit të Sigurimeve Agrare, që merrnin minoritarët shqiptarë dhe nga vendet e ish- republikave të Bashkimit Sovjetik, mbi moshën 67-vjeç.
Këto pensione u ndërprenë për këtë grup minoritar në vitin 2013, si pasojë e politikave shtrënguese dhe të ashpra të ndërmarr nga qeveria Venizelos-Samaras.
Vetë ministri Dhimitris Stratulis bëri këtë deklaratë ditën e sotme në Parlament, ndërsa informoi se brenda një muaji e gjysmë do të paraqitet një projektligj në lidhje me këtë çështje përpara qeverisë.
Nga ky projektligj, 17 mijë minoritarë shqiptarë, të moshës mbi 67-vjeç do të përfitojnë përsëri shumën prej 360 euro, si pension, çdo muaj./tesheshi.com/
