Është shuar në moshën 96-vjeçare ikona e aktrimit grek e atij botëror, Irene Papas.
Në karrierën e saj, ajo trajtoi role të rëndësishme femërore në teatër dhe kinema, duke mishëruar plotësisht fuqinë e tragjedisë antike.
Mjaft të kujtohet Penelopa te “Odisea”, luajtur krah Bekim Fehmiut, mbetur thellë në kujtesën e audiencës shqiptare në vitet ’80, një realizim i kinemasë italiane.
Pos kësaj, Irene Papas është nderuar me një Oscar në vitin 1969 për interpretimin e saj në filmin “Z” të Kostas Zavras.
Ndërsa në vitin 2009, aktorja e famshme greke u nderua me “Luanin e Artë” të Bienales së 40-të të Teatrit të Venecias.
Në të njëjtin vit, Irini Papa ishte në mesin e 260 artistëve nga e gjithë bota, e ftuar nga Papa Benedikti në Kapelën Sistine të Vatikanit, për t’u kërkuar atyre që të “transmetojnë mesazhin e Zotit përmes artit të tyre”.
Interesant ishte mbiemri i saj, Papas.
Emri i vërtetë i së cilës ishte Irini Lelekou, lindur më 3 shtator 1926 në Chiliomodi, Korinthia, ku kaloi vitet e fëmijërisë. Në moshën 18-vjeçare ajo u martua me shkrimtarin Alki Papas dhe ndonëse martesa e tyre nuk zgjati shumë, aktorja mbajti mbiemrin me të cilin u bë e njohur botërisht.
Kujtojmë se në një version shqiptarocentrik, ajo ishte me origjinë shqiptare. /tesheshi.com/
