Policia greke gjeti 41 emigrantë, kryesisht afganë, të cilët ishin fshehur në një kamion frigorifer, e për fat të mirë, asnjë nga ata nuk ishte në gjendje të keqe shëndetësore, pasi sistemi i ftohjes nuk ishte ndezur.
Policia ndaloi kamionin në një autostradë afër qytetit verior Xanthi për një kontroll të rregullt, kur panë të fshehur emigrantët.
Greqia aktualisht po lufton me fluksin më të madh të refugjatëve që nga viti 2015, vit ky kur më shumë se një milion njerëz kaluan në Evropë në rrugën nga Turqia drejt Greqisë, e më pas në vende të tjera të BE-së.
Rreth 34,000 azilkërkues dhe refugjatë po mbahen aktualisht në kampet e ishujve në Egje, mes Greqisë dhe Turqisë.
Zbulimi i emigrantëve kujton lajmin e javës së kaluar ku 39 persona, të gjithë shtetas vietnamezë u gjetën të vdekur në një kamion frigorifer në Britani. Ndërsa këtë fundjavë, 31 emigrantë pakistanezë u gjetën të fshehur në një kamion në mes të kufirit francezo-italian, por se pa probleme shëndetësore. /tesheshi.com/
