Me mijëra refugjatë kanë mbërritur sërish në Greqi, ndërsa qeveria përgatitet për bisedime sesi mund ta përballojë vendi numrin e madh të njerëzve që mbërrijnë në brigjet e tij.
Dy anije me më shumë se 4200 persona në bord, udhëtuan drejt portit të Pireut gjatë natës, pasi lanë pas ishullin Lesbos.
Gjithë BE-ja është në vështirësi për të përballuar fluksin e paprecedent të emigrantëve.
Me qindra njerëz pjesa më e madhe nga Lindja e Mesme mbeten të bllokuar në një stacion hekurudhor në Hungari, pasi policia i ndaloi ata të hyjnë në BE.
Agjencia e kontrollit kufitar të BE-së, Frontex thotë se 23 mijë emigranë mbërritën në Greqi vetëm javën e shkuar, një rritje me 50 për qind nga java e mëparshme.
Më shumë se 160 mijë njerëz kanë zbritur në Greqi këtë vit, deri tani, duke tejkaluar me kohë totalin e vitit të shkuar.
Qeveria thotë se nuk ka më burime për t’u kujdesur për kaq shumë njerëz që mbërrijnë përditë, por grupet humanitare apelojnë se duhet bërë më shumë. /tesheshi.com/
