Dy kryespiunët e Maqedonisë që u arratisën në Greqi pritet që të marrin strehim politik. Këtë e kanë bërë të ditur mediat greke, që theksojnë se sot është séanca për azil e ish-kreut të DSK-së, Goran Grujevski dhe kolegu i tij Nikolla Boshkovski.
Ata u arratisën nga Maqedonia me pasaporta të falsifikuara dhe u kapën në aeroportin e Selanikut vitin e shkuar.
Marrja e tyre e parë në pyetje në Komitet u shty sepse me preteksin se ka pasur problem me sigurimin e përkthyesit në gjuhën maqedonase. Por duket se ky version është më shumë për mbulim, pasi dy spiunët janë pyetur në disa séanca nga shërbimi sekret grek, por pa procesverbal.
Grujevski dhe Boshkovski bënë kërkesë për marrje të azilit politik në Greqi më 29 nëntor të vitit të kaluar. Pas kërkesës për azil janë hapur edhe tre procese ndaj Grujevski dhe Boshkovski, njerëz të afërt të Nikolla Gruevskit,
Një proces do të bëhet pas urdhër-arrestit ndërkombëtar nga pala e Maqedonisë, i dyti për falsifikimin e pasaportave me të cilat janë kapur në aeroportin e Selanikut dhe i treti për kërkesën për azil.
Shërbimi sekret i Maqedonisë është nën akuza nga Prokuroria Speciale si bashkëpunëtor me krerët e VRMO-së për manipulimin e zgjedhjeve dhe korrupsion të përmasave të mëdha. /tesheshi.com/
