Pa asnjë koment por thjesht me një diçiturë informuese,I Dërguari i Posaçëm i presidentit amerikan për dialogun, Richard Grenell, ka publikuar disa foto nga takimi mes Thaçit dhe Vuçiçit në Shtëpinë e Bardhë, ndodhur pak ditë më parë.
“Takimet në Shtëpinë e Bardhë me presidentët e Serbisë dhe Kosovës”, ka shkruar Grenell në Instagram.
Siç dihet, ky ishtë i pari takim mes tyre që nga ndërprerja e dialogut për shkak të taksës.
Kjo bëri që Thaçi të shfaqet entuziast nga vizita e tij në Uashingtoni, duke shpallur se ky është rasti i artë për Kosovën, pasi administrata Trump është angazhuar maksimalisht për arritjen e një marrëveshjeje, e cila do finalizohet me njohje të ndërsjelltë. Për këtë arsye, Thaçi la të kuptuar se taksa duhej hequr ashtu siç e kërkojnë amerikanët; plotësisht e jo pjesërisht.
Por cili mund të qe mesazhi i Grenellit me publikimin e fotos? Ndoshta një kujtesë për Kurtin që ata po vlerësojnë Thaçin për dialogun me Kosovën, më shumë se atë, i cili pretendon t’i prijë këtij dialogu. /tesheshi.com/
