Mes atyre që janë përfshirë në kërkim eshtrash në Dragot të Tepelenës, është dhe Lefter Zani, shtetas grek, babai i të cilit ka lënë jetën dhe më pas kockat në tokën shqiptare. Por Zani thotë se identifikimi i eshtrave nuk është dhe aq i lehtë kur është fjala për ushtarët e thjeshtë, siç ka qenë dhe babai i tij. Kjo për shkak se ata nuk mbanin medaljone.
Babai im ishte ushtar i luftës italo-greke dhe shërbeu në Drimadhe në krah të fshatit Sopik. Babai im ishte mes ushtarëve me fat të luftës sepse shumica e skuadrës së tij gjenden ende nën këtë tokë.
Nga sa më ka thënë babai, krerët e kompanive kishin të gjithë medaljone por jo ushtarët e thjeshtë, ata kishin vetëm letërnjoftimin dhe në kohën kur janë vrarë disa familje i kanë kërkuar me fotografi ose duke pyetur vendasit, por shumica nuk u gjendën kurrë dhe do jetë pak e vështirë për t’i identifikuar menjëherë”, u shpreh Lefter Zani.
Një ditë më parë u gjetën të parët eshtra ku në një medaljon afër tyre shkruhej Greco. Por dyshimet janë se bëhet fjalë për ushtar italian me emrin Greco e jo grek. /tesheshi.com/
