Në media ka nisur të qarkullojë lajmi i riardhjes për vizitë në Shqipëri të aktivistit greko-amerikan, Nikolas Gejxh, i njohur për angazhimet e tij të forta për Vorio-Epirin, pra pretendimet e Greqisë për Shqipërinë e jugut si tokë greke.
Thuhet se ai do të jetë në Himarë këtë fundjavë, ku pritet të startojë një projekt i ri infrastukturor në këtë qytezë, i cili ka provokuar reagime të forta për çështje pronësie, madje janë paralajmëruar dhe protesta.
Por ndërkohë, do shënohet dhe 6-vjetori i vdekjes së të riut himariot, Aristotel Guma, i cili u përplas teksa po ecte me motor nga disa të rinj, ngjarje që u devijua në çështje etnike.
Dhe pikërisht në këtë atmosferë, rivjen në Shqipëri Nikolas Gejxh. Ai njihet si lobues i fortë në politikën amerikane.
Madje thuhet se dhe riardhja e Berishës në pushtet në vitin 2005, nisi nga afrimi mes tij dhe ish-liderit demokrat gjatë një vizite në fund të vitit 2002. /tesheshi.com/
