Greqia po i trembet një tjetër risie turke në fushën e dronëve luftarakë, atë të tipit “kamikaz”.
“Fqinjët tani janë shndërruar në një nga prodhuesit më të mëdhenj dhe më të besueshëm të makinave të tilla fluturuese, të cilat madje i eksportojnë në disa vende”, shkrujnë mediat e Athinës, duke vijuar shpjegimin e mëtejshëm më të detajuar mbi armën e fundit ajrore turke:
“Në ekspozitën e sistemeve të armëve të mbajtur në Stamboll, turqit zbuluan gjithashtu versionin e tyre të një mjeti ajror pa pilot që mund të godasë armikun pas një kohe të gjatë që rri pezull vetëm në ajër.
Quhet ALPAGUT dhe është gjenerata e dytë e këtyre dronëve pasi turqit kishin prezantuar një version më të vogël të tij që nga viti i kaluar. Bëhet fjalë për një dron me përmasa të vogla që sapo lëshohet nga avioni transportues, vendos krahët e tij të palosshëm dhe falë motorit të tij elektrik, mund të lëvizë për rreth një orë në një distancë prej 60 kilometrash, derisa operatori i tij ta lëshojë atë në shënjestër.
Ai fluturon në një lartësi të ulët deri në 1500 metra dhe qëndron në ajër derisa të gjendet një objektiv i përshtatshëm. Në fakt, turqit thonë se mund të kapërcejë fusha shumë të forta ndërhyrjeje.
Gjatësia e saj është 2.3 metra dhe peshon deri në 45 kg. Zbritja drejt objektivit bëhet me shpejtësi deri në 360 km/h, gjë që e bën atë një objektiv të vështirë për sistemet e mbrojtjes ajrore.
Një element që dallon ALPAGUT dhe tregon nivelin e zhvillimit të turqve në dron është se ky ‘municion fluturues’ i veçantë mund të komunikojë jo vetëm me operatorin e tij, por edhe me të tjerë të këtij lloji në ajër, në mënyrë që ata të arrijnë goditjen më të fortë në tokë.
Për ta bërë këtë, turqit kanë investuar shumë në teknologjitë e inteligjencës artificiale, të cilat po i zhvillojnë në një masë të madhe për industrinë e tyre të mbrojtjes. Ky dron kamikaz mund të transportohet nga dronët e mëdhenj ekzistues të Turqisë, por edhe me mjete tokësore ose nga marina”, shkruan kështu Protothema, duke kaluar në frontin grek të përgjigjes:
“Nga ana jonë, përtej zhvillimit të dronit tonë, duhet të bëhen lëvizje të shpejta për të përmirësuar ndjeshëm mbrojtjen ajrore të ishujve tanë.
Aftësitë tona mbrojtëse janë tashmë të larta dhe të njohura, por ka mjete të reja dhe shumë efektive (siç është gjermani IRIS-T) që mund t’i bëjnë ishujt tanë plotësisht të pathyeshëm”.
Pra, për Greqinë, zgjidhja për t’iu përgjigjur Turqisë duhet parë te industritë e tjera ushtarake. /tesheshi.com/
