Pallati i Drejtësisë i ka refuzuar kërkesën Aleancës së Gruas së Kosovës (AGK), për të vizituar në burgun e Lipjanit deputeten DonikaKadaj-Bujupi e cila është helmuar gjatë qëndrimit në qeli.
Anëtarja e AGK-së, Shuki Bajrami, kashkruar në rrjetin social, Facebook se ndonëse u është refuzuar kërkesa për vizitë, gratë e AAK-së do të vazhdojnë të insistojnë sot dhe në vazhdim për të kuptuar arsyen e vërtetë të helmimit të deputetes Kadaj-Bujupi.
“Pas lajmit për helmimin e deputetes Donika Kadaj në burg, të shqetësuar me lajmin, bëmë kërkesë për vizitë urgjente në Pallatin e Drejtësisë, por kërkesa jonë u refuzua për shkak të procedurave. AGK do të vazhdojë të insistojë sot e në vazhdim për të kuptuar të vërtetën e rastit të helmimit të Donikës”, shkruhet në mesazhin e znj. Bajrami. /tesheshi.com/
