Kuba, fuqia botërore e boksit, i ka lejuar gratë të kthehen në ring dhe të fillojnë sërish boksin pas një dekade ndalimi.
“Ne shpallim rifillimin e boksit të femrave në vendin tonë”, deklaroi Ariel Sainz, nënkryetar i Institutit Kuban të Sporteve (Inder), duke shtuar se Kuba do të dërgojë boksiere femra në Lojërat e Amerikës Qendrore në San Salvador në vitin 2023.
Një vendim historik
Vendimi u prezantua si një hap historik dhe i rëndësishëm në zhvillimin e boksit kuban, i cili ka 80 tituj botërorë dhe 41 olimpikë, si dhe në “fuqizimin e grave”.
Me këtë vendim, Kuba tani ka përfaqësim të femrave në të gjitha sportet, përfshirë peshëngritjen dhe mundjen, të cilat femrat janë lejuar të bëjnë që nga viti 2006.
Boksi ka qenë prej kohësh bastioni i fundit i machismo-s sportive në Kubë, por ai ka rënë pas kushtetutës së re kubane të vitit 2019, si dhe një ligji të ri familjar, të miratuar shtatorin e kaluar. /tesheshi.com/
