Pas emërimit plot të debatueshëm si kapiten i Arsenalit, Granit Xhaka kaloi një moment të vështirë përballë tifozerisë në “Emirates Stadium”, pasi u fishkëllye gjatë daljes nga fusha pas ndërrimit në minutën e ’60. Të papajtueshëm me formën e treguar në fushë përballë Crystal Pallace, tifozeria ka shprehur dhe njëherë padakortësinë që kosovari i Zvicrës të jetë kapiten. Kjo ka bërë që dhe Xhaka të reagojë nervozueshëm, për çka legjenda e Arsenalit, Ian Wright ka thënë se ai duhet t’u kërkojë falje tifozëve të Topnick.
Kjo pasi ai nuk u ul në stol, por hoqi fanellën e tij dhe shkoi direkt në dhomën e zhveshjes, ndërkohë që më parë kishte bërë dhe gjeste ironike sfiduese ndaj zemërimit të tifozerisë.
Siç tha Wright, sjellja e Xhaka është e papranueshme.
“Ai duhet të kishte kërkuar falje para tifozëve. Ai është kapiteni dhe duhet të kërkojë falje, jo vetëm për të ndaluar zemërimin e tifozëve. Kapiteni nuk duhet të sillet kështu”, tha Wright.
Ai shtoi se tifozët janë të virrituar nga performanca e Xhakës në ndeshjet e fundit, dhe ai duhet të ketë kujdes me sjelljen e tij si brenda ashtu dhe jashtë fushës. /tesheshi.com/
Auba picked the armband from the GROUND. #xhaka walking sluggishly when your team is chasing after goal. Barely shaked @UnaiEmery_. Threw shirt to the ground, walked straight into the tunnel. Shambolic. #afc pic.twitter.com/NPp0i3x8y2
— Harrison Ifeanyichukwu (@Harrisonifeany3) October 27, 2019
