Fshati Verbovc i Kllokotit, ku jetojnë serbë, është gdhirë me grafitin “UÇK Welcome Kosova”, që ka shqetësuar banorët e këtij komuniteti.
Kështu të paktën shkruan portali serb “novostionline”, i cili shkon më tej duke thënë se ky është edhe një provokim i radhës i shqiptarëve.
“Qëllimi është frikësimi i serbëve të kësaj pjese”, konstaton ky portal.
“Kjo është e pakuptimtë, tash e 17 vjet kemi vështirësi këtu” citohet të ketë thënë Srba Rakiç nga Verbovci.
Sipas këtij shkrimi, Zoran Simiç nga po ky fshat ,mendon se grafitin e kanë shkruar huliganët që kalojnë këtej dhe se ky është po ashtu provokim i radhës dhe asgjë tjetër.
“Grafiti është bërë për të frikësuar popullin serb, nuk është njësoj, po duan t’i dëbojnë serbët nga Kosova”, ka thënë banori tjetër Slobodan Jovanoviç.
Komandanti i stacionit policor të Kllokotit në Kosovë Boban Todoroviç thotë se policia ka bërë shikimin, ka fotografuar grafitin dhe po përpiqet të gjejë autorët. /tesheshi.com/
