Përveç në komunat me shumicë serbe si Graçanicë, Mitrovicë e Veriut, Leposaviç valvitet pa kurrfarë problemi flamuri i Serbisë e ndërsa nuk pranohet ai i Kosovës, edhe në komunat me popullsi shqiptare ka nisur të shfaqen simbole serbe.
Kjo ka ndodhur në fshatin Kuzmin të Fushës Kosovës ku disa grafite me simbole serbe janë shkruar në një stacion autobusi. Në Facebook janë publikuar dy fotografi në të cilat shihet se në stacion është shkruar “SRB”, si dhe kryqi me katër “C” që gjendet në flamurin serb.
Ndërsa të dielën, Qendra e Mjekësisë Familjare dhe Shkolla fillore e mesme e ultë ” Aziz Sylejmani” në lagjen “Kodra e Minatorëve” në Mitrovicën Veriore, janë sulmuar nga persona të panjohur deri më tani.
Kjo shkollë dhe kjo ambulantë janë institucionet e vetme shqipe në Mitrovicën Veriore, e sipas banorëve për këtë fakt edhe janë sulmuar. /tesheshi.com/
